ත්‍රීවීල් කාරයාගේ ප්‍රේමය 03
_____________
එසේ ලේ ගලන්නේ කුමක් නිසාදැයි අවබොද වීමට මහ වෙලාවක් ගියේ නෑ. අනිවාරයෙන්ම අර කෙල්ලගෙ යක්ෂ ඇඟිලි වලට හීරිල වෙන්ඩ ඕනෙ. මේ මහ රෑ බෙහෙත් දාගන්න තැනැක්වත් නෑ. මොනව කරන්නද කඩෙන් ඩෙටොල් ප්ලාස්ටර් 2ක් අරන් ගිහිල්ල ගහගත්ත.
පහුවදා උදේම බෙහෙත් ටිකක් දාගන්න යන්න හිතුවත් උදේ බලනකොට පුංචි සීරීම් ටිකක් විතරයි තිබුනෙ. ආපහු කඩෙන් ප්ලාස්ටර් දෙකක් අරන් ගහගත්ත. අර යක්ෂ කෙල්ලට උදේ එන්න පොරොන්දු උන හින්ද ගියා ගේ ගාවටම. නිකම්ම නෙවේ ගියේ. මෙච්චර සල්ලි තියන කෙල්ලෙක් මොන එකකට මට පව් දෙන්න එනව කියනවද මංද තමන්ගෙ වාහනේක යන්නෙ නැතුව. කියල හිතන ගමන්.
හරියටම 8.30ට ගේට්ටුව ගාවට ආපු මම හොන් එක උඩ ඉඳගත්ත වගේ හොන් ගැහුවෙ හිතේ තියන ආවෙගෙත් එක්ක.
එත් එක්කම ගේට්ටුව අරින සද්දෙ ඇහුන. මම ඒ පැත්ත බලන්නෙවත් නැතව ඉස්සරහම ඉලාගෙන හිටියෙ අර යක්ෂ කෙල්ල වීල් එකට නගිනකන්ම. මේ කෙල්ල මගෙ ලඟට ඇවිල්ල
අයිය වෙලාවටම වැඩ නේද?
තොගෙ අම්මට නැගපන් ගෑණියෙ වාහනේට කියන්නට වගේ සැරසෙනවාත් සමගම නිකමට වගේ ඇයගෙ මූණ බැලුව.
අහෝ... මගේ හදවත නැවතුනාද නැතිනම් අකුණක් වැදුනද කියල හිතාගන්න බැරැව ගියා. මං මේ දකින්නෙ හිංදි නිළියක්වත්ද? නැවතත් ඇස් දෙක පොඩ්ඩක් පිසදා ගත් මම ඇය දෙස විනාඩියක් පමණ බලන් සිටියේ සිහි මද ගතියෙන් යුක්තවයි. ඇය නැතවත් හඬ අවදි කලාය.
මොකෝ අයියෙ කන්න වගේ බලන් ඉන්නෙ? අපි යන්ද?
හා හා මිස් වඩින්න.
ඈහ් වඩින්න. මම දෙවි කෙනෙක් කියල හිතුවද
ඇත්තටම මට වචන පැටලුනා
උඹ මිහිපිට දෙවෙි කෙනෙක් වගේ ලස්සනයි කෙල්ලෙ කියන්නට සිතුනත්
නෑ මිස් මට වැරදුනා.
හා හා කමක් නෑ ඉක්මනට යමු. අද වෙඩින් එකකට අන්දන්නත් තියනව.
හරි මිස්
ඒක නෙවේ අයියෙ මොකද ඔය බෙල්ල තුවාල වෙලා.
එසේ ඇහුවෙ ඇය හිනා වෙන ගමන්
පොඩ්ඩක් සීරිල මිස්.
පොඩ්ඩක් සීරිල?
ඔව් මිස්
බොරැ කියන්න එපා හලෝ
ඇයි මිස්
ඊයෙ මම බෙල්ලෙන් අල්ලපු වෙලේ සීරැනා නේද? මමත් ගෙදර ගිහිල්ල බලනකොට ඇඟිලි වල ලේ.. ඔයාට ගොඩක් රිදුනද?
නෑ මිස් ඒක ප්‍රශ්නයක් නෑ..
හ්ම හ්ම මං බය උනා ඔයාට ගොඩක් අමාරැ වෙන්න ඇති කියල.
විනාඩි 10කට පමණ පසු බියුටි සැලෝන් එක තියන තැනට ආව. කෙල්ල වීල් එකෙන් බැහැල
කීයද ගාන
වෙනද වගේම තමා 150
ඇය රැපියල් 200ක් දුන්න.
මගෙ ලඟ මාරැ නැනෙ මිස්.
හරි ඒකට කමක් නෑ රෑට ගමුකො. අද මං ඕෆ් වෙනකොට 10 විතර වෙයි. අද රෑ වෙඩින් එකකට අන්දන්නත් තියනව. ඔයා එනවද මාව එක්කගෙන යන්න.
ඇය සිනාසෙමින් එසේ අසන විට කියන්නේ කුමක්දැයි වැටහුනේ නැතත් මමත් සිනහවක් සමග ඔළුව වනා හයර් එක බාර ගත්ත. ඇය නැවතත් සිනහවකින් සංග්‍රහ කොට සැලුන් එක වෙත පිය නැගූ හැටි මං ඇසිය නොහෙලා බලාගෙන හිටිය.
ඇය මාව හඳුනාගෙන දවස් දෙකක්වත් නොමැති වුවත් අය කතා කරන්නෙ හොඳම යහළුවෙකු සමග කතා කරන අන්දමටයි. මෙච්චර පෝසත් කෙල්ලෙක් මාත් එක්ක මෙහෙම කතා කරනවද කියල මට හිතාගන්නත් අමාරැයි.
____
ත්‍රීවීල් කාරයාගේ ප්‍රේමය 04 කොටසින් හමු වෙමු.
________
සුමා෴
පල්ලෙහා තියන ලින්ක් එකට ගිහිල්ල ලයික් එකක් දාල ෂෙයා කරල පොඩි සහයෝගෙකුත් දෙන්න
www.facebook.com/sumuditha.kavishan.page
